Mit dem Gedicht möchtet mir dir «DANKE» sege.
Du bisch für eus im Titlisblick vor allem öpis und zwar: en Sege.
Gaht im Huus öpis kaputt – mal mit mal ohni Motiv, 
du bisch zur Stell – und wirsch aktiv.

Eusi Chind wüssed au genau, 
extra öpis kaputt mache, das isch gar ned schlau. 
Du dusch amigs ned gross frage, 
sondern fasch direkt ah male, hämmere oder sage.

Wenn mr am Fritig uf de Gruppe öper lislig ghört wärke, 
De weiss mr, dass isch euses Heinzelmännli mit sine Handwerksstärke.
Es Loch im Schrank, e verstopfts Brünneli oder au e kaputti Türe, 
es git kei Useforderig wo du ned direkt duesch ahstüre.
Du malsch, du missisch, du schrubsch und bringsch’s wieder hi,
und plötzlich lauft alles wieder, als wär’s nie kaputt gsi.

Ihdruck machsch du definitiv bi Gross und Chli, 
wie sölls au andersch si.
Du bisch für jedes Problem de schnällschti Trickser,
oder wies eine vo eusne Chline gseid hed: «Bruno, du bisch euse gueti Flicker». 

 

Danke Bruno für deine langjährige Arbeit sowie deine wertvolle Fähigkeit, für jedes handwerkliche Problem im und ums Haus eine passende Lösung zu finden.